Melody Mesh - Go'zal "go'zalman" demas

Go'zal «go'zalman» demas,
Dono «donoman» demas,
Botir «botirman» demas —
Kim aytsa — o'shanda yo'q!

Gul «hidim bor» demas hech,
Hidi o'zi so'zlar-ku,
Quyosh «nurman» demas hech,
Nuri o'zi aytar-ku!

Yaltiragan — oltinmas,
Baqirgan — chin botirmas,
Ko'p maqtangan — kam bilar,
Kam bilgan — ko'p maqtanar!

Mardni qiyin kun aytar,
Do'stni — musibat sinar,
O'zing aytma — el aytsin:
El aytgani — chin bo'lar!

Ona «mehrim» demaydi,
Mehri — uyqusiz xizmat,
Chin sevgi «sevdim» demas,
Sevgi — so'zsiz sadoqat!

Boring — Undan, bilib qo'y,
Omonatga maqtanma,
Bergan — O'zi olar ham,
Ertaga yo'q — aldanma!

Qurbon «shoirman» demas,
She'ri o'zi so'zlasin,
Men «yaxshiman» demayman —
El bilsin yo bilmasin!